Sun Wukong

An Hadeng Ukay (Ingles: Monkey King), bisto man bilang Sun Wukong (tradisyunal na Tsino: 孫悟空; Pinasimpleng Tsino: 孙悟 sa Mandarin Chinese, sarong maalamat asin mitikal na persona na bantog na marhay bilang saro sa mayor na mga karakter sa ika - 16 na nobelang Intsik na Journey to the West (tradisyonal na Tsino: 西遊記; Pinasimpleng Tsino: 西游记.^[1]

Sa Journey to The West, si Sun Wukong sarong kabalang na namundag hale sa sarong gapo na nagkukua nin lihis sa natural na kapangyarihan sa paagi kan mga kaugalean na Taoismo. Pakatapos na magrebelde tumang sa langit, siya ibinilanggo sa sirong nin sarong bukid kan Budha. Pakalihis nin limang gatos na taon, inibahan niya an mongheng si Tang Sanzang (唐三藏) asin duwa pang disipulo sa pagbiyahe tanganing makabalik sa mga sutrang Budhista hale sa Solnopan (Indya), kun saen nag-eerok si Budha asin an saiyang mga parasunod.

Dakul an kakayahan ni Sun Wukong. Siya may makangangalas na kusog asin nakakasuporta sa gabat kan duwang bukid sa langit sa abaga niya mantang nagdadalagan "sa rikas kan sarong bulalakaw."^[2] Siya marikason, nakabiyahe nin 108,000 li (54,000 km, 34,000 mi) sa sarong somersault. Nagkaigwa man si Sun Wukong nin 72 na mga transpormasyon, na nagtutugot na makakua siya nin 72 na daing-siring na kapangyarihan, kaiba na diyan an kakayahan na magtranspormar pasiring sa mga hayop asin sa mga bagay. Siya sarong ekspertong parapakilaban, na kayang daogon an pinakamarahay na mga parapakilaban sa langit. An saiyang buhok may mga kakayahan sa mahika, na kayang gumibo nin mga kopya kan saiyang sadiri o magtranspormar sa manlaenlaen na armas, hayop asin iba pang bagay. Nagpapaheling man siya nin parsyal na abilidad sa pagkontrol nin panahon asin kaya niyang papondohon an mga tawo na may paghirahay na mahika.^[3]

1. ↑ Shahar, Meir (2008). The Shaolin monastery: History, religion, and the Chinese martial arts. Honolulu: University of Hawaii Press. pp. 92–93. ISBN 9780824831103. 
2. ↑ Wu Cheng'en and Anthony Yu. The Journey to the West: Vol. 2 (Chicago, Illinois: University of Chicago Press), 108-109.
3. ↑ Wu Cheng'en (1500–1582), Journey to the West, Translated by Foreign Languages Press, Beijing 1993.